Rauthla, December 01, 2021 : Nimin khan Serchhipah Mizoram State Boxing Championship vawi 42-na chu tan a ni a, Law Minister TJ. Lalnuntluanga'n a hawng. Tun Mizoram Championship ah hian District 9 atangin Boxer 145 an fuan khawm a, Category 42 ah inelna neih tur niin inhnek (bout) 160 awm tura duan a ni a. Team Champion leh Best Boxer te thlan an ni ang.
He boxing championship-ah hian Lawngtlai atangin boxer pakua (9) an kal a, coach Tc. Lalramchullova'n a ho a ni. Hengte hi Lawngtlai District aiawha Mizoram State Boxing Championship-a telte chu an ni.
Sub-Junior Boys :
1. Ramthianghlima 30kg below
2. K. Lalhruaitluanga 30 to 32kg.
3. Vanmangbika 32 to 34kg.
4. Nicolas Lalmuanpuia 51 to 54kg.
5. ST. Lalpianthanga 48kg.
Junior Boys :
1. Lalnunthara 51kg.
2. Lalrinpuia 48kg.
3. Lalkaisanga.60kg.
4. Silver Lalropeka 67 kg
Nimin, a tan niah hian Lawngtlai atangin boxer pakhat chiah a khel a. ST. Lalpianthanga chuan Lunglei boxer a hnek a, vanduaithlak takin a hneh lo hlauh a ni. Vawiin hian Lawngtlai boxer tam zawkin inhnek an hmachhawn ang.
Post a Comment