Lungtian, December 16, 2021 : Vawiin December 16, 2021 khan Lungtian-I Steering Committee for Myanmar chuan Lungtian-I huam chhunga Myanmar raltlan awmte hnenah buhfai, mi pakhat tan Kg. 5 theuh an pe.
Hei bakah hian Lungtian-I Steering Committee for Myanmar te hian Myanmar raltlante hnenah hian Krismas chibai buk nan Blanket, Brite, Ketli, Cooker, Thirbel, Bucket, No, Fian, Chawhtawlh leh Chaw thlengte an pe bawk. Lungtian-I Steering Committee for Myanmar te hian Lungtian-I huam chhunga Myanmar raltlante hnenah hian tun hmain sum fai, mutbu, thawmhnaw, buhfai leh inchhungkhur mamawh thahnem tak an lo pe tawh bawk a ni.
Lungtian-I huam chhungah hian Myanmar raltlan mi 79 an awm mek a ni. Tukina thilpek semna inkhawm tawi hman hi Pu S. Malsawmsanga, Chairman, LSCFM leh President, YLA Lungtian Branch ni bawk chuan a kaihruai a ni.
Post a Comment