Village Council 10 bye-election a hman tur electoral roll Lawngtlai District Election Officer-in a tlangzarh

Lawngtlai, November 18, 2021 :  Lai Autonomous District Council hnuaia VC 4 leh Chakma Autonomous District Council hnuaia VC 6 a bye election neiha hman tur Electoral roll chu vawiin khan District Election Officer, Lawngtlai DC Dr Andrew H.Vanlaldika'n a tlangzarh

    Lawngtlai DC chuan by lection neih na tur a hmantur Electoral roll chu tunthla ni 12 ah Draft roll tlangzarh a ni a, huncheptak karah Final roll thataka mai tlangzarh a ni thei chu lawmawm a tih thu a sawi a, hemi hnu hian Electoral Roll hi Political Party aiawhte hnen ah a hlan nghal a ni.

    LADC hnuaia Mualbu L, Darnamtlang, Lungpher South leh Vawmbuk-II VC - ah te general seat pakhat theuh hnawh khah tur a awm a. Final electoral roll ah, Mualbu L-ah voter 250, Darnamtlangah voter 220, Lungpher South-ah voter 1,094 leh Vawmbuk - II-ah voter 270  an awm a ni.

    CADC hnuaia  New Jognasury-I leh  Sumuksora VC-ahte general seat pakhat ve ve,  Ajasora-II leh  Parva - IV VC - ahte general seat panga ve ve leh reserved seat pakhat ve ve,  Borapansury - II VC - ah general seat paruk leh reserved seat pakhat, Kamalanagar - V, ah general seat pahnih leh reserved seat pakhat hnawh khah tur a awm a. Final Eelectoral roll a a lan danin, Borapansury - II-ah voter 1168, Ajasora - II-ah voter 380, New Jognasury - I - ah 576, Sumuksora - ah voter 147, Parva-IV - ah voter 399, Kamalanagar-V - ah voter 365 an awm a ni.