Lawngtlai, November 18,  2021 : ,District Palnning Committee Lawngtlai buatsaihin vawiin khan, Capacity Building-cum- District Level Workshop on Sustainable Development Goals chu Lawngtlai DC, Dr Andrew H.Vanlaldika hovin, DC Conference Hall, Lawngtlai ah neih a ni.


    Workshop hawnna, SDO(S) Pi TT Beikhaizi kaihhruaiah khuallian Lawngtlai DC Dr.Andrew H.Vanlaldika chu, Sorkar hnathawkte chuan Lawngtlai District a an awm chhungin, District tan thiltha hnutchhiah tumturin a chah a, NGO te pawh District hmasawn nan thil tamtak an tithei tih sawiin, tanrualna atangin hmasawnna duhawm tak a awmthei dawn a ni a ti.

    United Nations Organization (UNO) a tel ram hrang hrang ten kum 2030 hma a  mipui dawmkan nan a tihtur hrang hrang a duan te tihlawhtling tura hmalakdan tur zirhona hi Pu Lalchhuanawma Hrahsel Sr.Consultant, pawhin a telpui a, Sustainable Development Goals hnuaia hmalakna tur hrang hrang leh kalpuidantur te mithiam ten, he hun a tel Lawngtlaia Sorkar Department hotute leh Tlawmngai pawl hruaitute an zirtir a, sawihona hun huamzautakin neih ani.

Post a Comment

Powered by Blogger.