Lawngtlai, November 18, 2021 : Vawiin November 18, 2021 khan Pu Andrew Laltlanzara, Executive Member, i/c Education MS, LADC chuan, Lawngtlai Chandmary venga Comprehensive English School building sak mek chu a hmunah a tlawh.
Pu Andrew Laltlanzara hi Comprehensive English School, Chandmary Principal, staffs-te leh Chandmary VCP ten lo dawngsawngin, an harsatna leh mamawh hrang hrangte thlenin inkawmhona hun an hmang a, a tul anga hmalak sak zel a tum thu EM hian a hrilh nghal bawk.
He School Building sak na tur sum hi Ministry of Development of North Eastern Region (DoNER) atanga hmuh niin, Building sak hna hi kum 2020 atang khan tan a ni a, tunah hian sak zawh tawh niin, completion pek chhuah theih tur leh School Building thar hawnna pawh neih mai theih tura buaipui mek a ni.
Pu Andrew Laltlanzara hi Pu F. Lalhmachhuana, Education Officer (MS), Pu Malsawmkima Chinzah, Sr. AE(PWD), Pi Priscilla Lalramdinpuii, CEO (MS), Pu F. Lalrothanga, J.E (MS) ten an tawiawm a ni.
Post a Comment