Lawngtlai, November 05, 2021 : Pu V. Zirsanga, Chief Executive Member, LADC chuan Kaladan Multi Modal Transit Transport Project hnuaia kawngpui sialin ram a tihchhiat avanga zangnadawmna laktum te ram zauzawng hmun hrang hranga thehdarh chu belhchiandawl lo a nih thu a sawi.



LADC a Chief Executive Member Pu V. Zirsanga chuan vawiin khan CEM Conference Hall-ah Lawngtlaia thuthar thehdarhtute kawmin, he huna chanchinbumite zawhna a chhannah Pu V. Zirsanga chuan, KMMTTP in ram a tihchhiat zauzawng, Square Kilometres 25940.05 ti a,  Media lama darh chu belhchiandawl lo a nih thu sawiin, ram lak tur chu Square Kilometres 25.94 a nih thu sawiin, thubelhchiandawl lo vanga LADC Sorkar leh mipuite uchuaktak leh diklo taka zangnadawmna beisei anga an lang chu pawi a tihthu a sawi.

Pu V, Zirsanga chuan LADC Sorkar chu Pension leh hnathar lakah te awmze nei zawkin kal a tum tih sawiin, Zirtirtu semrual hna pawh thawhchhoh mek a ni a ti a, dan hnuaiah chhiah thar lak pawh kalpui a ni tawh a, ram mipui ten ram tan, an tana phurrit lo tura an chhun luh theih nan Sorkar chuan kawng a dap a ni a ti a, chhiah tlingkhawm chu tangkai takin hman a ni zel dawn a ni a ti bawk.

CEM chuan LADC in nakum hian kum 50 a tling dawn tih sawiin, a theih anga ropuiin Golden Jubilee lawm tur hian ruahmanna siam mek a ni a ti a, chanchinbumite chu mipuiin Sorkar hnathawh an hriatna hnar ber a nih vangin, thahnemngai taka ram leh hnam tan theihtawp chhuah chhunzawm zel turin a sawm. 

Post a Comment

Powered by Blogger.