Lawngtlai, November 05, 2021 : India ram chuan ‘India kum 75 Zalenna Hlimawm Kutpui’ (Azadi ka Amrit Mahotsav) a hmang mek a. Mizoram-ah pawh he programme kalpui tur hian State Level Committee on Celebration of 75th Anniversary of India's Independence din niin zalenna lawmna kawng hrang hrang a kalpui mek zel a ni.
Program hrang hrang duan zinga pakhat, Mizoram chhunga College te India ram zalenna sualtu mi ropui tak tak te puala seminar organize tura ruahmanna siam anih angin Govt. Lawngtlai College chuan vawiin November 5, 2021 chawhnu dar 1 khan Webinar on ‘Nana Saheb’ zoom platform hmangin an buatsaih. Ruahmanna hmasaah chuan College Auditorium-ah seminar hi buatsaih tum a ni a, amaherawhchu hripui hi a la reh tak tak theih loh avangin webinar hi zoom hmanga buatsaih a ni ta zawk a ni.
Pu MC Lalrokhuma, Associate Professor, Department of Political Science in mi lawmluhna a nei a, webinar hi tan a ni. Dr. David V. Khiangte, Head of Department Public Administration in keynote Address a pe.
Pi Ruth Lalrampuii, Head of Department English chu moderator a ni a, paper pathum: Lalsangliani Ralte, Asst. Professor Dept. of English hnen atangin ‘Nana Saheb: Birth and Early Life’; Dr. C. Ramhnehzauva Asst. Professor, HOD Geography hnen atangin ‘Nana Saheb’s Role in the 1857 Uprising’; Dr. C. Lalhmangaihzami Head of Department History hnen atangin ‘Nana Saheb: A Revolutionary Leader of India’ tih te ngaihthlak a sawihona neih a ni.
Pu L. H Mawia Hnyaloom, Vice Principal in lawmthu a sawi a, webinar hi tih tawp a ni.
Post a Comment