Lawngtlai, November 05, 2021 : Vawiin November 5, 2021 khan Officers' Club Lawngtlai (OCL) chuan Lai Typical Village, Mampuiah General Body Meeting neiin, kum tawp hma lakna tur hrang hrang an rel.



General Body Meeting-ah hian OCL member 27 telin, meeting hi President, District Sericulture Officer Pu R. Lalbiakthanga'n a kaihruai a. General Secretary leh Treasurer hnen aá¹­angin report ngaihthlak a ni a. Rorel zawhah Pu C. Vanlalvena'n tawngtaina hun hmangin, chawhlui kil ho nghal a ni.

Thu ngaihtuah hrang hrang zingah, kum tina Krismas vuakveta OCL member-te'n sum thawh khawma "Bahhnukte Charity" hming vuaha chhungkaw khawsak harsate tanpuina an kalpui thin chu kumin pawh hian kalpui leh ni se, tih a ni.

OCL hi kum 2017 September ni 13 khan din a ni a. Lawngtlaia state, central leh government undertaking body-a officer-te'n an hna pangngai piah lama ram leh khawtlang tana rawng an bawl theihna tura an intel khawmna niin, tunah hian member 119 an awm mek a. Career guidance te buatsaihin, Krismas pual, COVID-19 dona pual, damlo harsate tanpui nan, kangmei tuarte pual, ramria rammute tan ti tea member-te'n sum thawh khawmin an lo luang chhuak tawh á¹­hin a ni. 

Post a Comment

Powered by Blogger.