Sangau, October 11, 2021 : Vawiin October 11, 2021 khan Auto Rickshaw Association; Sangau te chuan Myanmar buai avanga raltlante chhawmdawl nan Charity Service an nei.
Raltlante puala Charity Service neihna hunah hian Auto Rickshaw Association; Sangau, Adviser nilai Pu F. Lalliana chuan tawngtaina in hun a hmang a, Charity Service hi zing Dar 6 atangin tlai lam Dar 4 thleng kalpui a ni.
Lalruatliana, Asst. Secretary, Auto Rickshaw Association; Sangau hnen atanga thu dawn danin, Auto Rickshaw Association; Sangau te hian kum tinin Krismas dawnah Sangau khaw chhunga mi harsa te tanpui nan Charity Service hi an nei thin a, kuminah erawh Myanmar buai avanga kan unau raltlante tan Charity Service neih an rel angin vawiin hian an tihlawhtling ta a ni.
Auto Rickshaw Association; Sangau hian Sangau khaw chhunga awm raltlante tan kumin chhungin Auto chuan man a zahvein an tihhniam sak a, hei hi an la kalpui reng a ni.
Auto Rickshaw Association; Sangau-ah hian member 20 an awm a, vawiina raltlante tana fehchhuakte hi mi 15 a ni. An sum hmuhte hi remchang hmasa berah raltlante hi an hlan dawn a ni.
An va ti thra ve aw....
ReplyDelete