Lawngtlai 07.Sept,2021 :Enforcement Directorate chuan pawisa thubuai (money laundering case)-ah Maharashtra Home Minister hlui leh Nationalist Congress Party hruaitu Anil Deshmukh zawnna thupek (lokout notice) an tichhuak a, ram pawn lama a tlanchhiat venna atan an tih a ni. ED chuan Anil Deshkukh chu an kohna tam takah a kal lo niin an sawi. He thubuai avang hian Anil Deshmukh chu kumin April thla khan Maharashtra Home Minister atangin a bang a ni.
Supreme Court chuan thla hlui khan Anil Deshmukh-an he thubuai atanga amah tihchepna tur laka puihna (relief) a dilna a lo hnawlsak tawh a. September ni 2 khan Anil Deshmukh chuan Bombay High Courtah ED-in an kohnate chu paihsak turin a dil a, High Court chuan a ngaihtuahsak mai rih lo a ni.
ED chuan Anil Deshmukh chu thu zawhfiah atan vawinga an ko tawh a, mahse Anil Deshmukh chuan dan angin kohnaa kal loh dan tur a zawng tiin a chhang \hin a ni an ti.ED chuan CBI-in an chhuina atangin Anil Deshmukh leh mi dangte lakah corruption thubuai an ziaklut a. Anil Deshmukh chu Maharashtra Home Minister a nih laia a nihna hmangsual (misuse)ah puh a ni a, Police Officer ban tawh Sachin Waze hmangin Mumbai-a Bar leh restaurant atangin pawisa Rs.4.70 core khawn (collected)ah puh a ni bawk a ni.
Pawisate chu Deshmukh chhungkua-in an control nia sawi, Nagpur-a educational trust SriSai Shikshan Sansthan chuan an tichingpen (launder) nia puh a ni a.Heng puhnate hi Mumbai Police Commissioner hlui Param Bir Singh chuan a sawi chhuah a ni. April ni 5-a Bombay High Court thu (ruling) angin Aplril ni 21 khan CBI chuan Anil Deshmukh lakah chuan thubuai an ziaklut a, mahse, puhnaahte chuan Anil Deshmukh chuan engmah tih dik lo a nei lo a ti (deny) a ni.
ED chuan Anil Deshmukh personal secretary leh personal assistant te chu Mumbai leh Nagpur-a anmahni leh Anil Deshmukh-a hmunte an dap hnuah an man a, Anil Deshmukh-a fanu pasal chu enquiry report leak out chungchangah CBI chuan thu an lo zawtfiah tawh bawk a ni
Post a Comment