Lawngtlai 15.Sept,2021 :United Nations General Assembly inkhawma karleha mahni ngei kala thu sawitu tur zingah Prime Minister Narendra Modi leh United States President Joe Biden te an tel. UN General Assembly inkhawma vawi 76-naa tel turin khawvel ram hrang hrang 100 chuang an thleng mek zel a ni. UN General Assembly inkhawm chu nikumah chuan Covid-19 avangin ‘virtual’-a neih a ni. Prime Minister Narendra Modi chuan New York-a UN General Assembly Hall-a inkhawmah September ni 25 zingah thu a sawi ang a, a hma ni September ni 24-ah Washington-ah US President Joe Biden-an a thlen (host) Quad Leaders' Summit-ah a tel ang
Quad Leaders Meet chu Quadrilateral Framework Leaders Meet tihna a ni a, chuta ram hruaitute inkhawmah chuan Modi, Biden leh Australia Prime Minister Scott Morrison leh Japan Prime Minister Yoshihide Suga te an tel ang a, kumin March ni 12-a ‘virtual’-a inkhawm an neih hnua an inkhawm leh hmasa ber a ni a, kha inkhawm hnua hmasawnna awmte an thlirho ang a, khawvel ram huam bik thil, an tui tlannate an sawiho dawn a ni.
Kumina UN General Assembly inkhawma sawiho tur thupui chu 'Building Resilience through hope to recover from COVID-19, rebuild sustainably, respond to the needs of the planet, respect the rights of people, and revitalise the United Nations' tih a ni.
Ram hrang 109-a sawrkar lu berte chuan a hmun ngeiah thu an sawi (address in person) ang a, ram hrang 60 lu berte chuan pre-recordediin thu an sawi dawn a ni. United States-ah chuan ram hrang member 193 an awm a ni. Brazil chu thu sawi hmasa ber tur a ni a, US chu sawitu pahnihna a ni ang a, Afghanistan chu sawitu hnuhnung ber a ni ang. UN General Assembly chu September ni 21 atanga ni 27 thleng neih a ni dawn a ni.
Tuna UN-a Afghanistan sawrkar palai chu Ghulam Isaczai a ni a, President hlui Ashraf Ghanian kumin June thlaa a ruat a ni. Tuna Taliban sawrkar chuan sawiselna an la nei hran lo a ni.
Myanmar leh Guinea sawrkar palaite chu inkhawm tawpnia an ram aiawha thu sawi tura tih zingah an tel a, hetih lai hian Myanmar sipai sawrkar chuan UN-a an palai Kyaw Moe Tun chu an ban a, Aunf Thurein chuan thlak an duh a ni. UN General Assembly-ah chuan Myanmar sawrkar ai tunge awh ang tia zawhna chu UN Secretary General Antonio Guterres chuan Credentials Committee-in thutlukna a siam tur a ni a ti a, Committeee-e member ramte thutlukna apiang pawm tur a ni a, Secretariat lam thueihna a ni lo a ti.
Mahni ngei kala a hmuna thu sawi tur zingah chuan Sri Lankan President Gotabaya Rajapaksa, Israel Prime Minister thar Naftali Bennett, United Kingdom Prime Minister Boris Johnson leh Palestinian President Mahmoud Abbas te an tel a ni. UN General Assembly-ah chuan Maldives Foreign Minister Abdulla Shahid a ni.
Prime Minister Narendra Modi-an UN General Assembly inkhawma thu a sawi hnuhnun ber chu kum 2019 inkhawmah a ni.
Post a Comment