Lawngtlai 02.Spet,2021 : Sawrkarin chhiah a lak ‘Goods and Services Tax’ (GST) atanga pawisa hmuh chu thla hnih chhung a zawnin Rs.1 lakh crore chuang a ni a, August thlaa hmuh Rs.1.12 lakh crore chuang a ni.
Union Finance Ministry chuan kum khat kal taa GST atanga sum hmuh aiin 30%-in a pung a ni a ti. Union Finance Ministry-in a sawi danin August 2021-a GST atanga sum hmuh zat chu Rs 1,12,020 crore a ni a, heta tang hian Central GST chu Rs 20,522 crore a ni a, State GST chu Rs 26,605 crore, Integrated GST chu Rs 56,247 crore (including Rs 26,884 crore collected on import of goods), Cess chu Rs 8,646 crore (including Rs 646 crore collected on import of goods) a ni.
Mahse, August 2021-a hmuh zat chu July thlaa hmuh zat Rs 1.16 lakh crore aiin a tlem zawk a ni. August 2021-a GST hmuh chu nikum (2020) August thlaa hmuh aiin 30%in a tam a ni. Nikum August thlaa GST hmuh zat chu Rs 86,449 crore a ni. August 2019a GST hmuh zat Rs 98,202 crore aiin tun August thlaa hmuh zat Rs.1,12,020 crore chu 14%in a tam zawk a ni. Kumin August thlaah ram chhunga pawisa leng vel (domestic transactions) import of services tiamin atanga revenue hmuh chu nikum August thla aiin 27%-in a sang zawk a, thla 9 chhung GST hmuh Rs.1 lakh crore aia sang zawk chu June 2021-ah khan Covid-19 second wave abangin Rs.1 lakh crore aiin a tlem zawk a ni.
Covid-19 khuahkhirhna thlahdul a nih avangin July leh August thlaa GST hmuh zat chu Rs.1 lakh crore aiin a tam leh ta a, chu chuan a entir chu India ram economy chuan that chhuah (recovery) lam a pan tihna a ni. Hei hi a chhan chu economy than, chhiah awlna dona thil tih (anti evasion activities) a bik takin fake bill dona lama hma lakna nasat vang a ni Union Finance Ministry chuan a ti a, thla lo awm turah pawh GST atanga sum hmuh chu a san chhoh zel beisei a ni a ti.
Post a Comment