Pi K.Vanlalduati (52) Chanmari-II, Lunglei rawng taka thah anih chungchang-ah Lunglei Police hnuaia Special Investigation Team (IST) te chuan tualthattu hi an chhui chhuak tawh a. Amah hi Lalchawimawia (24) s/o Piangthiauva, Tahan F Myanmar niin, Thangte khua a, mi In a khawsa mek a ni.
Special Investigation Team hian mi rinawm tak hnen atangin tualthahna hmanrua (Chemte) hi Lalchawimawia pai thin niin thu a dawng a, amah hi Luangmual, Lunglei-ah a awm tih hriat a ni bawk a,he thudawn bawhzui hian Special Investigation Team chuan a thlen In ah Lalchawimawia hi zu man nghalin thu zawhfiah a ni a, vawiin ni vek khan Lalchawimawia hi Court lamah thawn niin, Lunglei District Jail-ah dah luh nghal ani. Special Investigation Team hian Investigation a hmabak la awmte chak takin a bawhzui dawn a, tun thlenga mipui tawiawmna avangin lawmthu a sawi a, a tulna apianga Police-te tawiawm zel turin a sawm bawk ani.
Post a Comment