Lawngtlai 09.Sept,2021 : Indonesia khawpui Jakarta bula jail, a chhunga tang an tawtnaa kangmei chhuakah lung in tang 41 an kang hlum. Nimin zinga Tangerang lung ina kangmei a chhuah lai chuan lung in tang tam zawk chu an la muhil a ni. Vengtute chuan Cell thenkhat kalh chu an hawng a, mahse, kangmei chu a nasa tawh a ni.
Lung in chhung Block Cah chuan tang 122 an awm a, mi 40 awmna tura tih a ni. Kang hlum zingah chuan ram dang pahnih Partugal leh South Africa mi an tel. Indonesia Minister of Law and Human Rights Yosonna Laoly chuan press conference-ah ram dang mi thite chu an ram palai embassy-te hriattir a ni a ti. Hliam na tak pariat an awm a, mi 12 vel chu hliam na lo (minor injuries) an awm. Telivision footage-ah chuan lung in atang chuan meikhu chhah tak achhuak a, a kan hun chu anmahni hunah 01.45 a ni a, India ramah GMT-ah chuan 18:45) a ni.
Kangmei chu darkar khat chuang hnuah a mit a ni. Kangmei chhuak chu a chak lutuk a, lung in cell-te chu hawnna hman a awm lo a ni an ti a. Tang vengtuten an hriat chuan kangmei chu a darh nasa tawh a, tih ngaihna a awm tawh lo a ni Law and Human Rights Minister chuan a ti. Electric short chu kangmei chhuahna chhan a nih rin a ni a, mahse, thil chhui mek a ni a ti.
Jail chu kum 1972-a sak a ni a, chumi hnuah a chhunga electrical system chu la update leh loh a ni. Lung in chhung kangmei chhuahna Block-C chu drug chungchanga tangte awmna a ni. An zinga pakhat chu tualthattu thiam loh chantir tawh a ni a, pakhat chu terrorism avanga convict tawh a ni a, a dang zawng chu drugrs avanga tang an ni.
Kanghlumte chu an kang nasa a, tute nge an nih hriat hleih theih a ni lo va, tute nge an nih hriat nan DNA test hman a ni. Lung In pumpuiah chuan vengtu 15 an awm a, tang zawng zawng chu 2,000 vel an ni a, mi 600 awm theihna tur a ni. Indonesiaah chuan lung in tawt lutuk chu harsatna kum khua a ni
Post a Comment