Lawngtlai 11.Sept,2021 : Nimin tlai khan Lairam Isua Krista Baptist Kohhran, Assembly leh Mizoram Journalists Association, Lawngtlai District te chuan, LCMC&H leh MJA Lawngtlai District te thawhdunnatur thuthlung, Memorundum of Understanding an ziakfel. >
LCMC&H Conference Hall a MoU ziak-na hi, LIKBK Assembly General Secretary Rev B. Zazawna Lai chuan kaihruaiin, MJA Lawngtlai District leh LIKBK Assembly hnuaia, LCMC&H ten thawhdunnatur thatak mai an neithei chu lawmawm a tih thu a sawi a, Medical Superintendent Dr. B.Zonunsanga pawn, LCMC&H leh MJA ten thawhdunna tur an nei thei chu an Damdawiin tan bungthar an kaina a nih thu a sawi.
MJA Lawngtlai District President Lalngheta Ralte chuan, MJA Lawngtlai District chuan LIKBK Assembly nen LCMC&H chungchangah thawhdunna tur an duanah, a chhawrtangkaitutur leh amamawh nasatur zawk chu MJA Member te an ni tih sawiin, Journalist te dinhmun hriaa, an chungah duhsakna nasatak lantira, thawhdunna an neitheita chu lawmawm a tihthu sawiin, LIKBK Assembly leh LCMC&H hotute chungah lawmthu a sawi.
MoU ziahfel tak ah hian MJA Lawngtlai District Member te leh an chhungte damloh nikhua ah LCMC&H ah senso tlem zawk a enkawl an nihtheihna tur hrang hrang leh MJA lamin an tihve turte tarlan a ni a, MoU hian Kum 2025 thleng a huam anga, hemi hnu hian atul angin ennawn theih a ni dawn a ni.
Post a Comment