Lawngtlai 1.Sept,2021 : United States-a mipui ngaihdan lakah chuan zaa 40 (40%) aia tlemin Afghanistan atanga US sipai lak chhuah chungchangah President Joe Biden thil tih dan an thlawp.
US mipui hmun lia thena hmun thum chuan American civilian-te Afghanistan atanga an chhuah fel theih hma chuan US sipaite chu Afghanistan-a la awm rih turin an thlawp. Reuters/Ipsos-in tun thawhtannia opinion poll a tihchhuahah chuan mipui ngaihdan (national survey) chu August ni 27-30 chhunga lak kha a ni a, 51% chuan US sipai lak chhuahah Joe Biden chu an thlawp lo (disapproved) a, 38% chuah US sipai lak chhuah chu an thlawp a ni.
Hetih lai hian Afghanistan-a indona tihtawp chu Joe Biden chuan US President atana campaign laia a tiam a ni a, “America indona rei ber, tumah hnehtu an nih theih lohna (no one can win) a ni tiin tihtawp a lo tiam a ni. Mahse, indona chu buainain leh thisen hhuahnain a tawp a, US mi tam tak leh Afghan mi, indonaa US lo puitute chuan thiar chhuak nghakin nasa takin an inhnawh (stranded) a ni. United States chuan Afghans, US citizens leh an thawhpuite ram mi 1,23,000 an la chhuak hman a ni.
Post a Comment