Lawngtlai 1.Sept,2021 : Afghanistan atanga US sipaite an inhnuhkir taka Taliban kuta Afghanistan a awm tak hnuah India sawrkar chuan India sawrkar tana tih ur hmasa (priorities) ngaihtuah (focus) turin thuneihna sang tak nei (high level group) a ruat a, External Affairs Minister S Jaishankar, National Securiity Adviser (NSA) Ajit Doval leh senior official dangte an ni.
Hemi mite hi Prime Minister Narendra Modi thu angin tun lai hi an inkhawm sek mai a ni. India ngaih pawimawh hmsak tur nia lang chu Afghanistan-a India mi la awmte leh India sawrkar tantu Afghan mite India rama him taka an kir theih dan tur ngaihtuah a ni a. Tin, Afghanistan ram chu India ram bei tur terrorist-ten tanhmun atana an hman lohna tur a ni.
Hetih lai hian Qatara India palai (envoy) Deepak Mittal chuan Doha-ah Taliban hruaitu S M Abbas Stanekzai a hmu a, Ministry of External Affairs-in a sawi dan chuan Afghanistan atanga India mite him leh hma zawka an kir theih dan tur a sawipui a ni. MEA chuan Taliban lam ngenna avanga inbiakna chu neih a ni a ti a, inbiakna chu Doha-a Indian embassyah neih a ni a ti. India palai chuan Taliban hruaitu hnenah chuan Afghanistan leilung chu India dona thil tih nan leh terrorism atana hman a ni ang tih India in a hlauhthawn thu a sawipui a ni a ti.
Post a Comment