Manchester United chuan Ballon d'Or vawi 5 dawng tawh Cristiano Ronaldo (36) chu vawiin khan Juventus atanga an sign fel thu an puang a, 2023 thleng contract ziahpuiin €15m+€8m add ons in an lei a ni.
Ronaldo hian United ah kar khatah £481,000 vel a hlawh dawn a, Premier League player hlawh hnem ber tur a ni. Tunah hian Lisbon ah awm mekin medical leh contract ziah fel ngai zawng zawng ral khat atanga tihfel vek a ni.
September 1-7 hian Portugal tan International Match a khel dawn a, Man United tan September 11 ah a inlan theih beisei a ni. Ram tan a fehchhuah dawn avangin United hian an Jersey ha chungin an la phochhuak thei rihlo a ni.
Khawvela Football League sang ber, Mizote pawhin kan en hnem ber Premier League-a Ronaldo lo kir tur hi a fans mai nilo football fans tan thu lawmawm tak a ni a, a bikin Man United fans tan phei chuan hei aia boruak lian hi a awm rihlo a ni.
Post a Comment