Lawngtlai August 11, 2021 : Vawiin, August 11, 2021 khan Lai Autonomous District Council a Chief Executive Member Pu Manghmunga Chinzah chuan Lawngtlai khawpui chhunga Damdawi In pathum te tlawhin CEM Relief Fund atangin Poor Patient Fund Rs 50,000/- theuh a hlan.
Pu Manghmunga Chinzah chuan, hri leng avangin mi tam takin ei zawnna kawng pawh mumal takin an kalpui thei lova. Chutiang karah chuan dam lohna avanga damdawi In a enkawl ngai tam tak an awm ang a. Chung zingah chuan harsa tak tak leh chhawmdawl ngai engemaw zat an awm thin thu a sawi a. Chung mite chu a mal mal a tanpui theih an nih loh avangin, Damdawi In a thawktute kal tlangin poor patient fund chu pek anih thu a sawi a. Damdawi In a thawktute pawhin an pek na rilru hria a, tangkai taka an hman theihna turin a chah bawk a ni.
Damdawi In a thawktu Doctor leh nurse te chu hri leng kan do mek kawngah theihtawp chhuah zel tura ngen in, LADC chuan a theih ang anga hri leng dona kawngah thawhpui zel an inhuam thu leh kan District tana thahnemngai tak thawk chhunzawm zel turin a chah bawk a ni.
Vawiina Lawngtlai khawpui chhunga Damdawi In pathum District Hospital Lawngtlai, Lairam Christian Medical Centre & Hospital leh Christian Hospital, Lawngtlai a poor patient fund hlan na ah hian Lai Autonomous District Council a Executive Member Pu C.Rongura i/c Disaster & Management etc, Pu HC,Vanlalruatpuia, I& PRO LADC, Pu Thansiama Lawtlai, PS to CEM leh Pu Elvis Lalthangzuala, President MNYF District Hqrs, Lawngtlai ten an tawiawm a ni.
A bengvarthlak thin e. 💯👍🏻
ReplyDelete