Lawngtlai, August 11, 2021: Lawngtlai District Child Protection Officer Pi Mary Lalremruati chuan ni 10.08.2021 khan mipuite hnena hriattirna (public notice) chhuahin, COVID-19 avanga ramin harsatna a tawh mek karah COVID-19 avanga naupangte dinhmun hre rengin, India sawrkar chuan 'PM CARES for Children' scheme a duang chhuak tih a sawi a. COVID-19 avanga harsatna tawk, naupang kum 18 hnuai lam, nu emaw, pa emawin an boralsan tanpui ngai an awm chuan District Child Protection Unit, Women and Child Development, Social Welfare Department, Lawngtlai kal tlanga central/state sawrkar atanga puihna awm thei ang angte an hmuh ngei theih nan he'ng phone number-ah te hian hriattir theih a nih thu a tar lang.
1. District Child Protection Unit, Lawngtlai - +919612018408
2. Child Welfare Committee, Lawngtlai - +918794880201
3. Juvenile Justice Board, Lawngtlai - +916909283865
4. Special Juvenile Police Unit, Lawngtlai - +919612895430/03835-232245
Tin, COVID-19 avanga tuartu naute/naupang, fa atana dan lo anga lak chu The Juvenile Justice Act, 2015 section 80 dan hnuaiah khap tlat a nih thu leh heti anga tih tum emaw, ti emaw an awm a nih chuan dan anga hrem theih an nih thu a tar lang tel bawk.
Post a Comment