PRESS RELEASE NO. 6 OF 2021/ASEP
REIEK RAMA SIHAL TIHHLUM CHUNGCHANG
Dated Aizawl the 3rd August 2021 (Thawhlehni):
Dt. 02.08.2021 (Thawhtanni) khan Reiekah Sihal ngam taka rawn kal chu tihhlum a ni a, lo tihlumtu hi Lalthanzama (Zamtea) a ni. Dan bawhchhetu hian a awh niin a sawi a, a enfiahtute a hmuna an kal chuan a sa hi an lo chan darh vek tawh a, kah a nih leh nih loh hi finfiah mai theih a nit a rih lo a ni.
He thil thleng hi hriat a nih ve leh Aizawl DFO Office lam chuan a hmuna thil enfiah tur an intir nghal a, thil sual titu pawh hi hriat nghal a ni a, statement pawh engkim lak fel nghal a ni a. A hremna lam erawh Court-in a la rel fel tur a ni dawn a ni. Hetianga chak taka Aizawl DFO lamin an bawhzui nghal hi ASEP chuan lawmawm a ti a, thil sual titu hi kan dem tak zet bawk a ni.
Sihal hi The Wildlife (Protection) Act, 1972 dan chhungah Schedule II Part II a awm a ni a. Dan bawhchhetu chu kum 3 atanga kum 7 lung in tan leh Rs. 10,000/- aia tlem lo chawi tir tur a ni
ASEP leh Reiek YMA te hi ramngaw leh nungcha humhalhna kawngah kan thawk dun chho mek a. Tun hnai chho hian Reiek ram leh khaw dai hnai lawk lawkah pawh ramsa an rawn inlar hnaiin, an ngam chho viau tawh a. Humhalhtu ni theuh turin Reiek leh a chhehvel khuate bakah Reiek tlawh thintu zawng zawngte pawh kan sawm tak meuh meuh a ni. Tin, Zoram hmun hrang hrang ami te pawhin kan ram chhunga nungchate humhalhin, an chungah ngilneihna i lantir theuh ang u.
Issued by
The Association for Environmental Preservation (ASEP),
General Headquarters, Aizawl.
Post a Comment