Lawngtlai 3rd.Aug,2021 : Assam Chief Minister Pu Himanta Biswa Sarma chuan Police-te hnenah Mizoram MP(RS) Pu K.Vanlalvena laka thubuai (FIR) an siam hnukkir turin a ti tih nimin khan a sawi. Mahse, Mizoram sawrkar official parukte laka thubuai erawh chu July ni 26-a Lailapur bula inkahnaah tel vea puhna (alleged role)-ah la chhui zel tur a ni a ti.
Assam Chief Minister chuan Mizoram Chief Minister Pu Zoramthangan tweet hrang hrangah ramri chungchang sawifel (amicably) a duhzia a sawi chu a chhinchhiah tih a sawi a. Assam pawhin hmar chhak rilru vawn nun reng a duh a ni a ti. Assam chuan a ramri-ah te muanna a awm a duh (committed) a ni a ti.
Mizoram Chief Minister chetzia-thil tha a duhna (goodwill gesture) avangin Assam Chief Minister chuan Pu K.Vanlalvena, Mizoram Rajya Sabha member zahawm tak thubuai chu hnukkir turin Assam Police te thu a pe tih a sawi a, mahse, Police Officer dangte puhna chu bawhzui zel a ni ang a ti.
Assam Police-te chu chawlhkar hmasaah khan New Delhi-ah an kal a, Pu Vanlalvena chenna kawngkharah Mizoram lama an kal chuan Assam Police tam zawk thah atana a vauna thu sawi nia sawi vanga thu zawhfiah tura kohna lehkha an bel a ni. Assam Police-te chuan July ni 28 khan Mizoram sawrkar official parukte kohna an tichhuak a, chung officialte zingah chuan Kolasib district Deputy Commissioner leh Superintendent of Police te pawh an tel a, nimin-ah khan Dholai Police station-a inlan tura kohna a ni.
Mizoram Police pawhin Assam Chief Minister leh Assam official parukte thubuai an siamsak a, July ni 26-ah Vairengte Police station-ah tualthat tur leh tualthat tura phiarrukna ruahmanah puh an ni a, mahse, Mizoram Chief Secretary Pu Lalnunmawia Chuaungo chuan Pu Sarma laka thubuai chu Chief Minister Pu Zoramthanga’n a pawmpui loh avangin sawrkar chuan hnukkir a inpeih tih a sawi a ni.
Post a Comment