Rauthla, August 11, 2021 : Pi Lalhminghlupuii Thangen, Deputy Resident Commissioner, Lai House, Aizawl chuan chuan vawiin khan thuchhuah siamin, LADC sorkar thuchhuah zulzuiin naktuk August 12, 2021 aṭangin Lai House chu hawn a ni dawn a, mipui vantlang tan a thlen theih tawh ang.
Hetih lai hian sorkarin inkhuahkhirhna a kalpui mek chu khauh taka kengkawh tlat a ni dawn a. Lai House-a thleng turte hian GAD, LADC aṭangin phalna an lak hmasak a ngai dawn a, Lai House a thleng tur ten darkar 28 chhung Covid-19 RAgT/RT-PCR/TrueNat test negative cerificate an neih a ṭul bawk ang. Phai lama aṭanga mikhual thleng tur tan RAgt pawm a ni lova, RT-PCR/TrueNat negative certificate chauh pawm a ni ang.
Mikhual awm chhungin room service tih theih a ni dawn lova, mahni room te enkawl fai tur a ni a, inlenpawh loh tur a ni. Tin, Lai House a thleng turte hian Driving License/Aadhar Card/Voter ID an nei ngei tur a ni bawk.
Aizawl hmun tam tak Containment Zone ah an puan avang leh bazar hun bik ruat a nih avangin bazar a harsa a, mikhual ten ei leh barah harsatna an tawk a nih pawhin in hriatthiam a ngai tih Pi Lalhminghlupuii Thangen chuan a sawi.
Post a Comment