Rauthla 07.August,2021 : MNF Thalai (MNYF) chuan India hmeichhe Olympic team-a tel nula Lalremsiami an chhuan thu an sawi. Press release chhuahin “A hlawhtlinna chu theihnghilh rual loh, Mizo history-a chuang reng tawh tur a ni” an ti a, hma lam pana tan la zel turin duhsakna an hlan.
MNYF chuan Nl.Lalremsiami chu Mizoram sawrkar chuan theihtawpin a ngaihsakin a chawimawi a ni an ti a. Kolsib a in hmun pek tur buaipui mek a ni a, tihfel tep tawh a ni an ti. Asian Games-a India teamin silver medal an laknaa a tel avangin Nl.Lalremsiami chu Mizoram sawrkar chuan cheng nuai 20 a lo pe tawh a, tuna Olympic hmeichhe hockey team-a a tel avangin cheng nuai 25 a pe leh dawn a, nuai 10 a pe tawhin a bak pawh zawh veleha pek leh tur a ni an ti
MNYF chuan “Thalaite leh infiamna lam ngaihtuah em emtu Mizoram sawrkar kan nei” an ti a, lawmawm an tih leh an chhuan em em thu an sawi a. “A bik takin kan chief minister Pu Zoramthanga leh Sports Minister Pu Robert Romawia Royte ten Thalai leh infiammite hmakhua an ngaihna avangin sports policy siam a ni a, infiamna lama ti thei bik tan government job 5% seat reservation dah a ni a, scholarship leh ham\hatna dang dang siam a ni” an ti. “Hun rei tak kan nei tawh loh State Games kan nei leh thei a, sports infrastructure tha tak tak kan neih belh zel bawk a. Heng thilte hian Mizo thalai infiam mite-ah phurna leh chona nasa tak a pe niin kan hria a, sawrkar hmalak danah lungawithlak kan ti hle a ni” an ti
Post a Comment