Aizawl Municipal Corporation AMC huam chhûngah August 8, 2021 aṭanga August 14, 2021, zanlai dar 12:00 thleng Partial  Lockdown puan a  ni. Hemi hun chhúng hian loh theih loh thilah lo chuan pawn chhuah leh inlenpawh khap tlat a ni. Building khata in hrang hrang luahte pawh intlawhpawh khap a ni. AMC Area pawn lam, Mizoram puma hman tur inkaihruaina tihchhuah nghal a ni bawk.




Ruahmanna siam dan chuan puipunkhawmna hmun te khar zui tur a ni a, nitin eichawp leh sumdawnna dawr hrang hrang te chu a ni kar thlaka hawn leh tur a ni.


Zing tawngtai inkhawm leh tlai tawngtai inkhawm te, zingkar insawizawi te hunbi neia phal a ni a, eichawp dawr te zing dar 5 atanga dar 9 thleng nitin inhawn phal a ni dawn a ni.


Bank leh damdawi pekchhuahna hmun te hawn phal a ni a, Mizoram hmun dangah chuan Deputy Commissioner (DC) ten an District chhunga COVID-19 hri len dan dinhmun azirin inkaihhruaina an siam ang.


Tul bikah chuan zin veivah phal a ni a. Zin veivah nan hian mimal lirthei leh passenger phur lirthei (commercial passenger vehicle) te hman phal a ni.


He order/inkaihhruainain a huam baka veng/khaw bil bik tana inkhuahkhirhna khauh zawk neih tul tihna a awm chuan, a chhan  leh vang chiang taka ziakin LLTF/VLTF ten an awmna District Deputy Commissioner hnenah rawtna an siam thei ang. Lawngtlaiah chuan AUgust 9, 2021 (Thawhtanni) hian Lawngtlai District kal dan tur chu DLTF ten an rel ang.


Kawngpuiin a paltlang khua ten an khaw kaltlanga khaw danga kal tur zin veivak te leh an lirthei an dang tur a ni lo.


COVID-19 case awm lohna khua-ah te   chuan  Deputy  Commissioner   (DC) leh VLTF te ruahmanna-in School an kal thei ang a, School Education Department-in inkaihhruaina (SOP) an siam angin an kal ang.

Post a Comment

Powered by Blogger.