Lawngtlai, August 2, 2021 : Vawiin August 2, 2021 khan Lawngtlai District Magistrate Dr. Andrew H. Vanlaldika chuan Lawngtlai District chhungah Covid-19 hri lengin ziaawm lam a la pan theih loh avang leh hri kai chhuichhuah a awlsam zawk theih nan vawiina tawp tur curfew hman lai mek chu kar khat chhung atan August 9, 2021 dar 7:00pm thleng a pawtsei.
Curfew chhung hian pawn chhuah leh inlen pawh khap a ni a, building khata in hrang hrang luahte te pawh inlenpawh khap a ni a. Damdawi dawr tih loh, dawr zawng zawngte chu khar vek tur a ni a, chhiatni bikah YLA ten ruahmanna an siam ang. District Administration, H&FW leh Police te chu a tul dan a zirin an zavaiin office an kal thei ang a, a bak office te chu HOD/HoO leh Peon pakhat an kal thei ang a,a tul dan azirin HOD/HoO hriatpuinain midang pawh an kal thei ang.
Lawngtlai khaw chhunga awmte tan Thawhtanni, Thawhlehni leh Nilaini ah bank a dawr theih ang a, khaw pawna awm tan Ninga leh Zirtawpniah bank a dawr theih ang. Hengahte hian VLTF te hriatpuina lak a ngai a ni. Khaw pawna awm, mamawh ngawih ngawih neite chuan an veng/khua VLTF ah in report-in an niin (Member 3) Bazar VLTF, Chandmary VLTF leh Market Monitoring Team hriatpuinain an bazar sak thei ang. Lo lama hnatawk/feh turte chu VLTF phalnain zing dar 8 hmain an chhuak ang a, tlai dar 5-6 inkarah an let leh tur a ni.
Curfew hian Covid-19 official duty, Meduical duty, Magistrate, Police leh Home Guard te, Zonal Officer, Flying Squad duty, Executive duty, VLTF member duty, Market Monitoring team member, Chanchinbu mite, Cable TV leh Internet Provider, ASF avanga DVO leh DCVO (LADC) hnuaia duty te, Fire & Emergency service, PHE, PWD, P&E hnuaia emergency duty, Disaster Management l;ama thawktute leh DC leh LADC hnuaia Quick Response Team, MSACS hnuaia Drop-in Centre, Mizofed leh Mavula Filling station, Medical Emergency leh thihna avanga chhuah ngai, veng VLTF lehkha kengte, Bungraw load leh unload te, Sanitation (LADC) hnuaia duty, Bank hnathawkte, FCS&CA Deptt. -a hnatul zual thawk tur leh Driver buhfai phur turte, District Magistrate leh Sub-Divisional Magistrate ten phalna an pek te a huam lovang.
Lawngtlai khawpui chhungah Bazar Veng leh New Vengpui hmun thenkhatte chu Micro Containment Area-ah puan mek a ni a, phalna nei lo tan chhuah leh luh a theih lo.
Post a Comment