Lawngtlai 2.August, 2021: Mizoram leh Assam ramri buaia Mizoram ram valh chin humhalh tura hnam sipai rammute leh ramri dai dova awm khawtlangte an thlawpna lantir nan leh an tha tihchak nan Officers' Club Lawngtlai (OCL) member-te chuan sum thawh khawmin, an pawisa thawh tling khawm ₹ 2,00,000/- (cheng nuai hnih) chu vawiin khan account transfer hmangin an sem.
OCL member-te'n, "Kan rammut ve nan" tia an sum thawh khawm hi heti ang hian sem a ni:
1. Mizoram Police - ₹ 1,50,000/-
2. Vairengte Joint VC - ₹ 30,000/-
3. Phainuam VC - ₹ 10,000/-
4. Saihapui VC - ₹ 5,000/-
5. Tv. PC Lalmuansanga, silaia kah, tuna Civil Hospital Aizawla awm mek - ₹ 3,000/-
6. Pu C. Vanlalfela, zen phuh hliam, tuna Vairengte PHC-a la enkawl mek - ₹ 2,000/-
Police tana pek hi SP Kolasib account-ah thun a ni a. A bak zawng hi Vairengte Joint VC account-ah thun niin, anni hian an lo sem darh ve leh dawn a ni.
Post a Comment