Rauthla 11.August,2021 : Kum1989 atanga August ni 5, 2021 thlengin Jammu and Kashmir-ah chuan terrorist-te kutah vengtu sipai (security personnel) 5,886 an thi tawh tih nimin khan Minister of State Home Affairs Nityanand Rai chuan Lok Sabha a hrilh.
Article 370 paih a nih hmaa Jammu and Kashmir-a vengtu sipai thi chungchang zawhna ziaka a chhannaah Home Minister chuan Jammu and Kashmir ramri pawn lama atanga bul tum terrorist-te chetna a ni a, Jammu and Kashmir siam a ni, kum 1989 atanga tun August ni 5 thlengin terrorist-te kutah sipai 5,886 an thi tawh a ni a ti. Dan ding lai angin chung sipai thite chhungte hnenah chuan tanpuina (exgratia relief) pek \hin a ni a ti.
Union Minister of State for Home Affairs chuan zawhna dang ziaka a chhannaah tun thlengin sawrkar chuan ram pum huapa National Registrar of Indian Citizens (NRIC) chungchangah thutlukna engmah a la siam lo a ti. Chutiang chu a nih avangin ‘data’ pek chhuah tur pawh a la awm lo a ti.
Kum 2021 chhiarpui chungchanga zawhna chu Pu Rai chuan chhiarpui lo awm tur chu digital census hmasa ber a ni dawn a ni a ti a. Mahni inchhiarna (self enumeration) nan dan a awm sa a ni a ti. Data lakkhawm nan leh census hna hrang hrang thawh (management and monitoring) nan Mobile App leh Census potal te siam a ni a ti.
Post a Comment