Rauthla 11.August,2021 :BJP hruaitu pakhat, sawrkar laipui Farm Laws siam duh loa lo neitu nuarte thlawptu chuan Uttar Pradesh Assembly thlan dawn avangin BJP hruai sawrkar laipui chuan Farm Laws te chu a hnukkir mai thei a ti.
BJP hruaitu chuan lo neituten Farm Laws te hnukkir tura sawrkar laipui an nawrna chu a dik a, Uttar Pradesh inthlan dawn avang leh lo neitute an lungawi loh avangin Modi sawrkar chuan Farm Laws te chu a hnukkir mai thei a ti.
Uttar Pradesh BJP Working Committee member Ram Iqbal Singh chuan chanchinbumite hnenah lo neituten Farm Laws an duh lohna an lantir avangin BJP hruaitute tan Uttar Pradesh khawthlang lamah chuan luh theih a ni lo va, tun hnu zelah pawh lo neitute chuan BJP hruaitute chu an lo hnar zel dawn a ni a ti.
Eptuten Parliament-a Pegasus snooping avanga inkhawmna kal thei lova an siam chungchangah BJP hruaitu chuan democracy ramah chuan eptute ngiat chu ngaihtuah tur a ni a ti. Pegasus chu eptuten chhui an duh a nih chuan sawrkar chuan a chhuitir mai tur a ni a, Parliamentin tluang taka ro a rel theihna turin sawrkar chuan mawh a phur a ni a ti.
Post a Comment