Lawngtlai 2.Aug,2021 : Nimin khan Union Home Minister Amit Shah chuan Assam Chief Minister Pu Himanta Biswa Sarma leh Mizoram Chief Minister Pu Zoramthanga te telephone-in a bia a, Mizoram leh Assam ramri chinfel dan tur te a sawipui. News agency pakhatin a report danin Pu Zoramthanga chuan tweet-ah ramri chungchang chu inbiakna awmze nei hmanga chinfel rem tak (amicably)-a chinfel remtih a ni a ti. Pu Zoramthanga chuan Mizoram mipui chu tuna ramria boruak sa tihdaih a nih theih nan social media-ah post lo turin a ngen tih a sawi.
Hetih lai hian sawrkar laipui chuan state leh state inkar ramri buainate chinfel nan satellite thlalak (satellite image) hmanga ramri rin (demarcate) ni se a ti a. He hna thawk tur hian sawrkar mi pawimawh (senior government functionary) pahnih chu North Eastern Space Application Centre (NESAC) -ah hna pek an ni a ti. NESAC chu Department of Space leh NorthEastern Council te hma lak dunna (joint initiative) a ni. NESAC chuan space technology hmangin hmar chhaka hmasawnna hna thawhna kawngah a tanpui a ni. Satellite imaging hmanga state inkar ramri rinfel (demarcate) ngaidan chu thla tlem te kal taa Union Home Minister Amit Shah-a rawt chhuah (mooted) a ni a. Amit Shah chuan state inkar ramri leh hmar chhaka ramhnuai (forest) map siamin, scientific hmanga state inkar ramri rinfel nana NESAC hman a rawt a ni. Shillong-a awm NESAC chuan hmar chhaka tuilian enkawl (manage ment) nan space technology a hmang mek a ni.
Scientific method ramri chinfelna atana hman theih a nih chuan thil inmil lo (discrepancy) a awm thei dawn lo a, ramri chinfelna state-ten an pawm theihna zawk a awm dawn a ni, sawrkar mi pawimawh (government fuctionary)te chuan an ti a ni. Satellite hmanga ramri map siam a nih chuan hmar chhak ramrite chu rin theih a ni ang a, inhnialnate chu chinfel a ni dawn a ni an ti. (Mizo Aw)
Post a Comment