Simon Cowell hian  British reality TV show ‘The X Factor’ hi kum 2004 atang khan a kalpui tan a, an tihchhuah hnuhnun ber chu December 2018 kha niin episode 445 zet an tichhuak hman a ni. He talent show kaltlanga khawvel huapa lar zui ta mi tam tak an awm a, Simon Cowell hnathawh hi sawi nep chi ziazang a ni lo. 

Hetih lai hian khawtlang media te chuan tih tawp a duh chhan hi fiamthu thawh nana hman a duh loh vang niin an sawi a, thudik a ni em tih erawh finfiah mai theih a ni lo. 


Kum 61 mi Simon hian show hi kum 5 chhung atan a titawp lailawk dawn nia tarlang an awm bawk a, game show thar ‘Walk The Line’ lamah a insawrbing dawn nia tarlan a awm bawk.  


X Factor atanga khawvel hriat ni zui ta zingah - One Direction, Little Mix, Olly Murs leh James Arthur te chu a lar zual an ni a, show hi awm ta lo se kan hre hlawm kher ang em tih chu zawhna awm thei a ni. ITV thupuangtu chuan, “Tunah rih chuan show kalpui zel tumna a awm lo,” tiin a lo sawi ve mek bawk. 


X Factor hi UK-ah chuan TV show lar ber zinga mi a ni thin a, mahse a hlutna hi a hniam chho ve zel a, tihtawp duh hialna a lo piang ta niin a lang. 

Show tir lamah khan - Sharon Osbourne, Louis Walsh, Cheryl leh Nicole Scherzinger-te chu judge an ni a, 2018 kha chuan -Louis Tomlinson, Robbie Williams leh Ayda Field te an thu thung. Show hi UK bakah US-ah pawh season thum (2011-2013) chu kalpui a lo ni tawh bawk. 

X Factor pechhuaktu ITV chuan 2019 khan Simon Cowell hi British Got Talent pe chhuak turin 2024 theng atan inremna an siampui leh a, mahse X Factor atan hi chuan inremna an siam tawh lo thung a ni. 


TV kaltlanga thlirtu hi mi kaktaduai 10 vel awm thin anga chhut a ni a, hei hi 2018 kha chuan maktaduai 5.3 velah a thlathla a ni.

Post a Comment

Powered by Blogger.