Rauthla 07.August,2021 : Nimin zinga India ram Covid-19 dinhmun update ang chuan darkar 24 chhungin Covid-19 hrik kai 44,643 hmuh chhuah a ni a, darkar 24 chhungin Covid-19 vanga thi mi 464 an awm.
Hrik kai tawh zawng zawng zat chu 3,18,56,757 a ni a, thi tawh zat 4,26,754 a ni. Dam chhuak tawh zat 3,10,15,844 a ni. Thi tawh chu hrik kai tawh atangin zaa 1.34 (%) an ni a, dam tawh chu zaah 97.36 (%) an ni. Daily positive rate 2.72% a ni a, weely positive rate 2.41% a ni. Hrik kai mek chu hrik kai tawh a\anga zaa 1.30 an ni.
Ni khata hrik kai mek zat punna chu 3,083 a ni. Ningani thleng khan Covid-19 test a ni a, test tawh zawng zawng 47,65,33,650 an ni. Kerala chu Covid-19 hmunpui a la ni reng a, ni tin hrik kai 20,000 an la chuang ziah a ni. India rama hrik kai hmuh chhuah thar 4,643-ah 22,040 chu Kerala atangin a ni a, thi zinga 117 pawh Kerala atangin a ni. Chhim lam state-ahte hrik kai an la tam a, Andhra Pradesh-ah 2,145, Tamil Nadu-ah 1,997, Karnataka-ah 1,785 leh Telangana-ah 582 an ni a. India rama hma hruaitu Maharashtra-ah chuan darkar 24 chhungin hrik kai 9,026 an awm a, thi pawh 120 an awm.
India rama mihring tam berna Uttar Pradesh-ah chuan case thar 26 chauh an awm a, thi pawh mi 3 chauh an awm. State lian dang Rajasthan, Gujarat leh Biharahte chuan darkar 24 chhungin thi an awm lo a, Uttarakhand leh Jharkhand-ah pawh darkar 24 chhungin thi an awm lo.
Hmar chhakah chuan Assam-in hma hruaiin darkar 24 chhungin hrik kai thar 1,067 an awm a, Mizoramin an dawr a, 725 a ni a, Meghalayah 576 a ni. Tourist tamna Goa-ah hrik kai thar 102 an awm a, thi 3 an awm.
Post a Comment