MINISTER PU ROBERT ROMAWIA ROYTE IN HNATHIAL FOOTBALL GOUND LEH THENZAWLA TOURISM HMALAKNATE A TLAWH

Rauthla 07.August,2021 :Vawiin khan Tourism Minister Pu Robert Romawia Royte chuan Hnahthial khawpuia Football field lai zaua phullem phah hna kalpui mek chu a hmunah kalin a enfiah a.A kosang laia leimin thin siamthat dan turte MSSC engineer tenen uluk takin an enho a ni.Sports Minister Pu Robert Romawia Royte chuan Hnahthial Field hi Rs 682.90 lakh a siam zawh tur a ni a,100% Central funding a nih avangin he project hi Mizoram sorkarin Tax leh Labour Cess sum tam tak hmuhnan a hman bakah Mizo tam takin hnathawh tur an neih phaha,Field tha kan nei dawn bawk a,a hlep hlang a ni a ti a.Sports Minister chuan MNF Sorkarin district 3 a hawn thar -Hnahthial,Khawzawl leh Saitualah te Football Field tha kuminah hawn vek hman beisei a ni a,hmundang 20 ah Mizoram Sorkarin phullem Field tha a siam dawn bawk a ti.Sports Minister Pu Robert Romawia Royte chuan Chief Minister zahawm tak Pu Zoramthanga kaihhruainain sports infrastructure hmangin Mizoram budget pawnlam atangin sum tam tak kan huilut a ni a ti.He huna tel ve Hnahthial tlangval Footballer Jeje Lalpekhlua pawhin thusawiin a pian leh seilenna Hnahthial khawpuia football field tha a puitling chho mek ta chu lawmawm a tih thusawiin Muzoram Sorkarin Zoram hmun tamtaka Field tha a siam chho mek chu thalaite tan thil lawmawm anih thu a sawi bawk.

Hnahthial football field a tlawh zawh hnu hian Pu Robert Romawia hian Sports facilities nghah na tur hmun thenkhat a tlawh nghal bawk a ni.

Tourism Minister nibawk Pu Robert Romawia chuan Thenzawla Wellness Spa & Cafetaria sak zawh thar chu ataka function tir dan turte a en bakah Thenzawl Auditorium sak zawh thar ataka hman tangkai dan turte a hmunah a en nghal bawk.Thenzawl Golf Resorts tihchang mek hnathawh dan enin hnathawh belh ngai laite Department Officers tenen an thlirho bawk a ni.

Tourism Minister hian Hmuifang Tourist Resorts a Forest Pathway siam mekte leh Building repair hnathawhte enin Department Engineer te chu tha taka hnavila hna tha chauh pawm thin turin a fuih a ni.