Lawngtlai, August 20, 2021 :  Covid-19 hri lengin Mizoram min tuam mek a, hetihai hian Mizoram chhim lam pawh a tuar nasa pawl kan ni. Hetih lai mek hian Lawngtlai West bialtu MLA Pu C. Ngunlianchunga chuan hri do nan hmanrua tam tak semin leh chhawmdawlna thawkin a theih ang angin hmun hrang hrangah a che chhuak mek.



Pu C. Ngunlianchunga hian Covid-19 damlote phurh sawnna tur Ambulance a lei a, hei hi Chawngte CHC in hun engemaw chen an hmang a, Chawngte lamah hrikai an tlakhniam deuh tak avangin Ambulance hi Bungtlang South PHC lamah lak chhoh a ni. Hei hi Bungtlang South leh chhehvel khuate tan thil tangkai tak a nih avangin Bungtlang South Official te, VLTF leh khawtlang mipuite an lawm hle a ni. 


Lawngtlai West bialtu MLA Pu C. Ngunlianchunga hi tunah hian Aizawlah Asembly session nei turin a awm mek a. Pu C. Ngunlianchunga hian khawtlang kawng chhe lutuk chungchangah a mawhphurtute hnenah a siamṭha turin lehkha a thehlut a, a theih anga bawhzui nghal a ni. Heng a hmalaknate hi Lawngtlai West mipui ten Party thil dah ṭha a, phak ang tawka ṭawngṭaina nen thawhpui zel turin Congress Party chuan mipuite an ngen a ni. 

Post a Comment

Powered by Blogger.