Bualpui NG, August 20, 2021 : Vawiin August 20, 2021 khan Young Lai Association, Bualpui (Ng) Sub-Hqrs hruaitute chuan an Sub-Hqrs huam chhung a Zirlai ti ṭha Tv. Lalramnghaka S/o. Lalfakzuala, Bualpui (Ng) khua B.Sc, Chemistry, Govt Zirtiri Residential College, Aizawl a zirlai, Mizoram University in Under Graduate 2021 Result tih chhuah taka Mizoram Pum pui a Topper hnenah Chawimawina, Lawmpuina Thuziak leh Tangka Fai Rs..3000/- an hlan.
Chawimawina hun hmannaah hian Pu. K. Hrangvela, President YLA, Bualpui (Ng) Sub-Hqrs chuan fuihna thu sawiin, Zirlai te chu naktuka kan ram hruaitu tur, kan ram, hmasawnna, ṭhanlenna kawnga hma hruaitu tur leh sulsutu an la nih dawn avangin, tun aia taima zawk leh nasa zawka Pathian ṭihna nen, mahni din hmun hre reng chunga an zirlai chauh ngaihven tur leh thil ṭul lo a intihbuai tam tir lo turin a chah a ni.
Chawimawina Thuziak leh Tangka Fai hi Pu. K. Hrangvela President YLA, Bualpui (Ng) Sub-Hqrs in a hlan nghal a ni.
Post a Comment