Rauthla 4th August, 2021 : China ram laili Hubei province khawpuiah chuan Vovid-19 hrik a inlar leh avangin Wuhan City-a mihring zawng zawng chu Covid-19 test an ni dawn. Wuhan khawpuiah chuan mihring maktaduai 11 vel an awm a ni.
Kum 2019 tawp lama Covonavirus lo lan tanna, Covid-19 vei hmasak bernaah chuan hri leng an dona pawh an ‘upgrade’ nghal a, Covid19 hrik kai an awmna lai bik chu lockdown nghal a ni a tih Chinese state media Global Times chuan a report a ni.
Wuhan City-ah chuan thawhtanni khan hrik kai mi 7 hmuh chhuah an ni a, Wuhan khawpui chu nikum June thla atanga hrik kai awm lohna (zero local infections)a report a ni. School leh zirna dang (tutorial institutions) hmun zawng zawngte chu offline class suspend tura tih a ni a, campus chhunga hriselna lan monitor-nate tihchak a ni a, zirlai leh zirtirtute chu vaccine pek chak taka kalpui a ni.
Wuhan lei hnuai rel (metro)ah chuan dan khirh tak hman nghal a ni a, mask vuah vek tur tihte, taksa temperature en tur tih te, hriselna kawng dang en te kalpui nghal a ni a, Zhuankao bula station eng emawzat chu khar rih a ni.
Hetiang thupek hi Hunan province-a khualzinte tlawh thin (tourist destination), Zhangjiajie leh a bul hnaia Zhuzhou city-ah puan nghal a ni a, heng hmun hnih hi mihring maktaduai hnih awmna a ni.
China ram pumpuiah nimin khan Covid-19 hrik kai 61 hmuh chhuah a ni a, Covid-19 inkaichhawn awl chi Delta variant chuan khawpui eng emaw zat a thleng mek a ni.
Post a Comment