Pu Robert Romawia Royte, MLA in vawiina a Instagram account a tarlan danin, LADC ah MNF 12 leh Congress MDC 1 (an vaiin 13) te chuan inthurualin United Legislature Party an din a, LADC ah MNF leh Congress sorkar intawm a ding dawn.
Pu Robert Romawia Royte, MLA chuan LADC a MNF Sorkar chu MNF MDC 7 leh party dang ten paihthlak tumin an inzawmkhawm a, Lairam United Democratic Alliance an din tih a sawi a. MNF MDC 7 in MNF an bansan hnuah MNF a rinawm tlat MDC 12 an la awm tih sawi langin, a lehlam inzawmkhawmte chu 12 an ni ve bawk a, majority siam thei an awm loh avangin LADC sorkar chu Governor in thla 6 atan a suspend ta a ni, a ti.
Pu Robert Romawia Royte, MLA chuan MNF chuan sorkar siam leh ngei tumin Plan A, B leh Plan C thlengin an nei tih sawiin, MNF hlangin sorkar siam thei lo mahila Congress Party te nen sorkarna lungrual taka kan siam thei tur hi a lawmawm tak zet a ni, a ti bawk.
Pu C .Lalmuanthanga, Lungpher South Bialtu MDC, Congress party aiawh thlan chu United Legislature Party Leader tur atan thlan a ni a. District Bawrhsap hnenah sawrkarna an siam theih thu hriattir a ni a. Vawiin lam hian Mizoram Larsap hnenah thlen ani ang.
Hetiang hian United Legislature Party din a ni.
Leader : C. Lalmuanthanga, MDC
Dy. Leader : Sanghuliana Mualchin, MDC
Secretary : H. Lalmuansanga, MDC
Treasurer : Lalropuia Chinzah, MDC
A bak sawrkar tak tak siam chu CEM approval a awm hunah a chiang ang.
Post a Comment