Lawngtlai, July 27, 2021 : Lai Students’ Association General Headquarters’: Lawngtlai chuan Mizoram leh Assam ramri buaina avanga Vairengte hmun a, ramri humhim nan a Silai hial hmehpuah a ngai ta mai chu pawi an tih thu an sawi a, mahni nunna hial thap a Ram leh Hnam chhan nan a theihtawp chhuahtu Vairengte Mipuite leh kan Police (MAP leh IR) te an chhuan takzet thu leh a tul anih phawt chuan Ram leh Hnam chhan nan a theihtawp chhuahtute puih turin LSA chu engtiklai pawhin kan inpeih reng a ni an ti.
LSA General Headquarters chuan kan Sorkar hruaitute chu hei ai a nasa zawk a hma la tur hian a phut bawk a. Ramri buai chinfel anih thuai theih nan a theihtawp chhuaha hma la turin LSA General Headquarters chuan Sorkar chu an phut bawk a ni.
Lawngtlai District chhunga Dawrkaite leh Sumdawngte, a bik takin Non-Tribals te an thil man tisang lo turin LSA General Headquarters chuan a hriattir a, he Ramri buaina hian engtia rei nge a awh dawn hriat anih loh avangin Mipuite pawh inrenchem thiam turin LSA te chuan a ngen a ni. Kan Ram a Non-Tribals awmte, pawnchhuak tam lova fimkhur turin LSA General Headquarters chuan a hriattir bawk a ni.
LSA General Headquarters chuan Kan Ram neihchhun zimte humhim tur a theihtawpchhuaha tangrual tur hian Mizoram mipuite a sawm nghal bawk a ni.
Post a Comment