Miss Mara -1998 Pi Jenò Hlychho kum-40, Pu L.Khaichyu (Akhai) MDC Siata Bialtu nupui chu nimin July 08 2021 zing lam dar 07:40 khan anmahni chenna In College Vaih Siahaah Cancer natnain a boral.
Pi Jenò Hlychho hi Pu Zakhu Hlychho (L) leh Pi Dawhlei fa-5 te zinga a naupang ber ni turin Jyly 07 1981 kha lo a piang a. Unau pianpui=5, Mipa-2 leh hmeichhia-3 an ni.
Kum 1998-a Siaha Vengpuia Miss Mara thlan lai khan Contestant-te zingah telin, Miss Mara-1998 tana thlan tlin a ni.
Miss Mara-1998 a nih kuma Thalaite hnena a thuchah vawiin thlenga thangtharte zing la nung rengte chu:-
(1) Thalaiten, vanglai huna siamtu Pathian hriat reng.
(2) Thalaite zuk leh hmuam, ruihtheih thil leh nulat tlangvalna hmansual (s*x abuse) atanga inthiar fihlim a, mahni nun invawn fimkhur
(3) Thalaite kut hnathawh zahpui lova, mahni intodelh turin leh lehkha zirna kawnga taima turin tih tein, Miss Mara-1998 a nihna atangin Thalaite hnenah fuihna thuchah ropui tak a sawi a ni.
Kum 2003-ah tuna apasal Pu L.Khaichyu Mara Autonomous District Council-a MDC nilai nen inneiin fa-5 an nei a. Chhungkuain Siaha College vengah an cheng mek a ni.
Amah hi a tet lai atang mi nunnem leh zaidam, mi rilru tihnat leh huatthu sawi hlau tak leh mi inngaitlawm tak a ni a. A fate a enkawl danah erawh chuan, ama mizia ang lo takin Sports lamah hian a tuipui em em hlawm a. A fate zinga pahnih phei chu Mizoram Boxing-ah pawh hming lang pha an awm nghe nghe a ni. Chumite chu:-
(1) L.Lalduatsangin Sub Junior:- Gold medal-9.
(2) L.Beiryraopha Sub Junior :- Gold-4, Silver-3=7
July 07 kha, kum-40 a tlinna Pian champha a ni a. He a pian champha phak hi chhungkuain an lawmsak a. Amah pawhin he hun hlu tak, atana a pian champha hnuhnung ber tur hi chau tak chungin a hmanpui hlawm a, zan lamah erawh chuan a natna chu zual zelin tukin zing karah khan a boral ta a ni.
Reported by:- CL Hranga Siaha.
Ka ui vawng vawng.
ReplyDelete