Sawrkar laipui Ministry sawi danglam hnua inkhawm (virtual) hmasa berah nimina neih hnuah sawrkar laipui chuan hmanhmawh thila Covid-19 dona atana hman tur (new emergency response package) Rs 23,123 crore a puang.
He pawisa hman dan tur kim chang Health Minister thar Mansukh Laxman Mandaviya chuan chanchinbumite hnenah puangin Rs.8,000 crores chu state-te hnenah pek a ni ang a ti. Hei hi Covid-19 second wave chhunga harsatna awmte deal nan a ni a ti a. Pawisa-te chu ‘emergency health infrastructure,’ puihna (boost) nan a ni a ti.
Pawisa hman theih chu (package's limitation) chu thla 9 a ni ang, July atanga March 2022 thleng atan a ni Health Minister thar chuan a ti a. State sawrkarte an chet thuai thuai a ngai ang a, “Kan duty chu a theih dan kawng apianga state-te tanpui a ni” a ti.
Health Miniter Mansukh Mandaviya chuan Covid-19 third wave hnai vaiah naupang enkawlna (Padiatric Care Centres) district 736ah din a ni ang a, Covid Relief Fund hmangin ICU bed 20,000 siam a ni ang a ti. Pawisa chu medical oxygen, critical medicine leh naupang Covid-19 kaite enkawlna tur a ni a ti.
Post a Comment