Siaha, July 28, 2021 : Mara Autonomous District Council (MADC) Fur thutkhawm nithum awh tur chu nimin khan Siaha MADC Session Hall-ah tan a ni.
MADC Chairman Pu H.Sahlo kaihhruai session chawhma lamah ziaka chhan chi zawhna 3 chhanna house dawhkanah dah a ni a, tawngkaa chhan chi zawhna 7 chhan a ni bawk a; Zawhna chhangin CEM Pu N. Zakhai chuan MADC-in project leh scheme chi hrang hrang an siam, state sorkar kaltlang lova sorkar laipuia an theh luh leh state sorkar kaltlanga an theh luhahte beiseina sang tak an neih thu a sawi a. LAD changtu EM Pu MH Tiabi pawhin 15th Finance Commission hnuaiah khawtlang hmasawnna tur VC kaltlanga hnathawh nan Cheng Nuai 1,500 chuang an hmuh thu leh tangkai taka an thawh mek thu a sawi ve bawk. Chawhnu session-ah sorkar bill 5 pu lutin Dan thar 2 pharh a ni bawk.
Tun tum MADC session-ah hian rokhawlhna leh dam lohna avanga tel thei lo, Chairman-in a pawmsak MDC 5 an awm a, a bak mi 23 te chu kim takin an tel a. District Administrator hriatpuiin SOP leh Social Distancing zawm chungin Session hi neih a ni.
Post a Comment