Lawngtlai 21, July. 2021: Nimin khan Lawngtlai Bawrhsap Dr Andrew H. Vanlaldika chuan Lawngtlaia
Kohhran hrang hrang hruaitute chu a pisaah kawmin, COVID-19 hri leng
dona kawnga Lawngtlai District chhunga hma lakna hrang hrang leh sawrkar
leh kohhran thawh hona tha zawk neih theih dan tur an sawi ho.
Bawrhsap
hi Additional DC Pi Marilyn Rualzakhumthangi'n tawiawmin, Lawngtlaia
kohhran hrang hrang ai awh an tel kim hle a. COVID-19 kaihhnawiha
Lawngtlai District dinhmun leh hma lakna hrang hrang zau taka sawi
hovin, hma lakna kalpui zel dan tura rawtna leh ruahmanna te an sawi ho a
ni.
Bawrhsap Dr Andrew H. Vanlaldika chuan COVID-19 hri leng
dona kawnga kohhrante thawhpuina, tawiawmna leh tawngtaipuina an dawn
zawng zawngah lawm thu sawiin, Kohhran hruaitu kal khawmte chu a tulna
apianga fin chhuah a, tawngtaipui reng turin a sawm a. COVID-19 dona
chungchangah District mipuite ralbang bik awm lo va, tan rual a tul tak
zet tih a sawi.
He hunah hian Kohhran hruaitute chuan District
tana tha tura roreltu leh thuneitute kaihhruaina chu tha tawka an hriat
thu leh, thawhpui leh tanpui an ngaihna apianga sawrkar tawiawm tura an
inhawn reng thu an sawi a. Meeting chuan tawngtaina bakah, sawrkarin
inkaihhruaina leh inkhuahkhirhna a siamte mipuiin tha taka zawm chu hri
leng dona kawnga thil sawt ber tur nia an hriat thu tar langin, sawrkar
leh kohhran zawnah pawh mipui zirtirna lamah uar zawka hma lak ni se, an
ti a ni.
Post a Comment