Lawngtlai 20.07.2021 : Dt 19-26.July,2021 chhung Lawngtlai khawpui chhungah Curfew puan a nih avangin Lai Autonomous District Council chuan Covid-19 laka mipuite kan himna tur ngaihtuah in, Office staff te leh mipuite zawm tur Order an tichhuak
Lawngtlai khawpui chhungah Covid-19 positive case a pung zel a, LADC hnuaia thawktu zingah Covid-19 test positive leh test hmabak (Home Quarantine) kan lo awm ta nual mai a. Hetiang anih avang hian, District Magistrate, Lawngtlai chuan Cr.PC Section 144 tlawhchhanin, July 19-26, 2021 chhung hian, Lawngtlai khawpui chhungah Curfew a puang a ni. (vide No.J.11013/1/2021-DC(LTI) : Dated Lawngtlai, the 19th July,2021)
Hemi hun chhunga LADC Office hrang hrang kaldan tur chu hetiang hi a ni ang.
1. July 19-26,2021 chhung hian, hna hmanhmawh (LADC Monsoon Session kaihnawih, time bound/urgent works etc) nei Department-te chauh office kai theih a ni a. Loh theih loha Office kal ngaite pawh Department pakhat-ah panga (5) aia tamlo office kai theih a ni ang. Head of Department \ Head of Office ten Office kai tur an ruat ang.
2. Loh theih loha Office kai ngai Department-te chu The LADC Voce : Official Whatsapp Group kaltlangin GAD-ah in report tur a ni. In report lo Department-te chu Office kai lo anga ngaih an ni ang.
3. Hemi chhung hian pawnlam mi tan LADC Office dawr a rem rih lovang. Pawnlam atanga mipuiin an biak pawh theih nan, Head of Department ten an Department-a biakpawh tur Phone no (Contact no) GAD-ah an report tur a ni.
4. Hemi chhung hian LPC khar a ni a, Lehkha lut dang reng reng pawh darkar 24 tal dah hran (quarantine) phawt tur a ni.
5. Emergency thil tih loh ah chuan : CEM, Chairman LADC leh Office holders dang reng rengah Public Interview khar a ni.
6. Office Complex chhungah veivah phal a ni lo. LADC hnuaia thawk Office kai tur anga pawnchhuak, Office kai si lova khawlaia lengchhuak te chungah harsatna a thleng anih chuan an mahni mawh a ni ang.
7. Nitin mipui mamawh leh rikrum thila che chhuak thin : Sanitation Dept, DM & R Department leh AH & Vety Dept te rawh Head of Dept-te ruahmanna in a tul angin Office an kai thei ang.
He lehkha hian hemi chungchanga lehkha hmasa : Memo No.C.31012/1/2019-LADC/GAD(Vol-III) : Dated Lawngtlai, the 1st July,2021 & 13,July.2021-te chu a luahlan a ni.
Post a Comment