Kan Chief Minister pawh conflict zone-ah chuan a kal kan phal lo a ni - Pi Ramandeep Kaur, Cachar District SP

    Lawngtlai 29.07.2021 :  Congress-in tun hnaia Mizoram leh Assam ramria buaina chhuah chungchanga a hmuna kal a, thil awm dan fian tura Committee a ruat chuan nimin khan tlawh an tum a, mahse, Dholai bak an kal phalsak an ni lo a, Assam Police-ten an lo tiding a ni.
            Committee member-te chu Bhupen Bora, Bendrata Saikia, Sushmite Dev te an ni a, Sushmita Dhuan Lailapur thleng chauhin an kal ang an tih pawhin chumi thlen hma kilometre 5, Dholaiah Assam Police-ten lo tidingin a bak kal an phal lo a ni a ti.

            Cachar district SP thar Ramandeep Kaur chuan helai hmuna chengte chauh kal vel an phal tih sawiin, boruak a la lum a, senior levelah inbiak mek a ni a. inngeih lohna hmun (conflict zone) a ni a, “Kan Chief Minister pawh conflict zone-ah chuan a kal kan phal lo a ni” a ti. Pi Ramandeep Kaur chuan Assam leh Mizoram ramri-ah chuan neutral sipai CRPF te an awm a, Assam leh Mizoram Police- te chu an hmunah an awm ve ve a ni a ti.
            Hetih lai hian thawhtannia inkahnaa Assam Police hliam na zinga pakhat chu niminpiah khan a boral a, tichuan kha inkahnaa thi chu Assam Police paruk leh civil mi pakhat, an vaiin pasarih an ni ta a ni. Thi chu Shyamprasad Dutt, 6th Assam Police a ni.
        Assam Chief Minister Himanta Biswa Sarma chuan Shyamprasad Dutt chu a dinhmun a hniam avangin zai theih leh Guwahati-ah pawh lak theih a ni lo a ni a ti a. “Martar huaisen chu ka zahna ka hlan a, a chhungte ka ruatpui takzet a ni” a ti.