Lawngtlai 29.07.2021 : Delhi court chuan Congress hruaitu Shashi Tharoor chu a nupui Sunanda Pushkar thih chungchangah a chungchang ngaihtuahsak (trial) tur em ni ang tia thutlukna siam hun chawlhkar thumin a sawnhlatsak a, Sunanda Pushkar chu New Delhi-a five star hotel-ah a thi a ni.
Special Judge Geetanjali Goel chuan Tharoor laka puhna siam (framing of charge) hun puan hun August ni 18-ah a sawn hla a, Shashi Tharoor khingtu lam (prosecutors(te chu lehkha thenkhat an thehluh a la phalsak a ni. Lehkha pawimawhte chu Supreme Court leh High Court thupekte a ni a, ziaka thehlut turin a ti a ni.Court chuan a hma pawha sawn hlain a hunah tun thawhlehni kha a ruat a, chu chu a sawn hla leh a ni.
Court-ah chuan Police lam chuan Shashi Tharoor chu puhna siamsak ngei an ngen a, an ngenna chu section 306 IPC (mahni intihlum tura fuih) tihah a ni a.
Shashi Tharoor-a ukil senior advocate Vikas Pahwa chuan Special Investigation (SIT)-in a chhuinaah Taroor chu puhna zawng zawngah thiam chantir (exonorate) a ni tawh a ni a ti. Vikas Pahwa chuan section 498A emaw 306 emaw hmanga hrem theih a nihnaah dan bawhchhiaa thil tihsual Tharoor chuan a nei lo a ni tiin chhuah (discharge) turin court chu a ngen a ni. Section 498A IPC chu pasal emaw laina emawten hmeichhia rawng taka enkawl chungchang a ni a, section 306 IPC chu intihlum tura fuih (abetment of suicide) chungchang a ni.
Sunand Pushkar chu Delhi-a five star hotelah January ni 17, 2014 zanah khan thi-a hmuh a ni a, hotel changkang takah chuan Shashi Tharoor leh a nupui Sunanda Pushkar chu Shashi Tharoor-a chenna sawrkar bungalow siamthat a nih avangin chumi chhung chu an awm a ni.
Tharoor chu section 498 leh 306 IPC hmangin Delhi Police chuan an puh a, mahse, man a ni lo va, July ni 5, 2018 khan bail-in chhuah a ni.
Post a Comment