Lawngtlai 19.07.2021 : Vawiin ni 19.July,2021 hian Lawngtlai District Deputy Commissioner Conference Hall-ah District Level Task Force meeting chu an Chairman Dr.Andrew H.Vanlaldika, District Bawrhsap chuan kaihruaiin Dt 16.07.2021 a curfew an puan tak chu Dt 26.07.2021 thleng pawhsei nise an ni. Heng bakah hian hengte hi he meeting hian hri laka mipuite kan him theihna turin a rel a ni.
1. Chhiatni / Thatni chu Branch YLA ruahmanna angin kalpui tur a ni ang. In neitu in a tel tur list (mi 30 aia tam lo) a siam ang a, Police /VLTF / YLA hnenah a pe ang. An ni in list a tel te chauh an kal ani tih an enfiah ang.
2. MGNREGA hlawh lak dan chungchang ah Project Director, DRDA in ruahmanna a siam ang a. Veng / khua khat atangin VCP leh Secretary te chauh an kal thei ang.
3. Positive te veng leh nihna VLTF ten an puang zar thei ang.
4. LADC Office kal dan tur chu a tul dan angin, LADC a GAD ten ruahmanna an siam ang.
5. Office hi Head of Office leh peon ten an kal ang a, hna tul zual thawk tur an mamawh dan a zir in VLTF te hriatpuina in an ko thei ang.
6. FCS & CA department a hna tul zual thawk turte chu curfew exempt zingah telh an ni. Driver buhfai phurte chu an challan nun chhung chu curfew exempt an ni bawk ang.
7. FCS & CA department gas supply dan turah rawtna a neih te Deputy Commissioner hnenah Dr 20.07.2021 aia tlai lovah an thehlut ang.
8. Thawhtanm thawhleh leh nilai ah te Lawngtlai khawchhunga awm te tan VLTF hnenah phalna la in Bank dawr theih a ni ang a, khaw pawn lam tan Ningani leh Zirtawpni ah te dawr theih a ni thung ang. (Hei hian MGNREGS hlawh la tur VC te a huam lovang)
9. Mamawh ngawih ngawih nei leh chhuanchham mai tur te chu an veng VLTF te hnenah an in report ang a, an VLTF te an lo buaipui ang.
10. Lo lam hnathawk / feh turte chu VLTF phalna la in zing dar 8:00 hma in an chhuak thei ang a, tlai dar 5:00 - 6:00 inkar ah an let leh hman tur a ni.
11. Veng tin in Information Centre atangin Covid Appropiate Behaviour (CAB) nikhat ah vawikhat tal an puang ziah tur a ni.
12. Veng kilkhawr deuh, duty an awm lohna hmun ah mipui an inlenpawh nasa a hriat anih avangin VLTF / Executive duty / Police te ulul lehzual in an duty ang.
13. Kohhran programme hrang hrang - thawhlawm khawm, buhfai tham khawn te hi a kalpui dan tur Kohhran hruaitute sawipui an ni ang.
14. Vengtin te CCCC ruahman tura hriattir an ni a, location leh capacity te Deputy Commissioner, Lawngtlai hnenah a rang thei ang bera hriattir tur a ni.
15. Mipuite’n Covid-19 inkhuahkhirhna dan an zawm that leh that loh enfiah turin Magistrate ten khawpui chhung an fangkual thin ang.
16. SDO (Civil) te chuan an huam chhungah a tul dan a zirin ruahmanna an siam thei ang.
17. District Administration leh Medical Staff te chu an mamawhna avangin Office an vaiin an kal thei ang.
18. DLTF meeting hi koh mai mai theih anih loh avangin a tul dan a zirin DLTF Chairman in order/inkaihhruaina a chhuah/ ti danglam thei ang.
Post a Comment