Lawngtlai 19th July 2021: Office of the Additional Chief Registrar of Births & Deaths, Directorate of Economics & Statistics chuan a hnuaia mi ang hian Mizoram State pawna thite chungchangah mipuite tan Hriattirna a chhuah a ni :
Registration of Births and Deaths Act, 1969 Dan angin Birth Certificate emaw, Death Certificate hi an pianna/thihna hmun atang chauhin lak zel tur a ni.
Mizoram mi pawh State danga thi kan awm leh thin a, State danga thi chu Mizoram atangin Death Certificate pek theih an ni si lo va, mi tam takin harsatna an tawk thin.
Chuvangin, State pawnlama thihna tawk palh an awm chuan an thihna hmun atangin Death Certificate rawn lak nghal nacháng hriat a tha khawp mai; a hranpaa buaipui leh hi a hautak tawh thin si a.
Mizoramah chuan, Local Registrar of Births & Deaths piahlamah Hospital zawng zawng hi Births and Deaths Registration Unit atan Sorkarin a notified vek a. Chuvangin, Hospital-te'n RBD Act, 1969 Dan angin Death Certificate an pe chhuak thei vek a ni. India ram State dangah chuan hetiang hi a ni vek lo va, Registrar of Births & Deaths (RBD) hi Hospital pawnlamah midang (Local Registrar of Births & Deaths) an awm thin a, chung RBD-te hnen atang chuan Death Certificate hi lak thin tur a ni.
Hospital emaw, Doctor-te'n emaw, Death Declaration (thenkhat chu Death Certificate ti pawhin a inziak ve thin) an pek chhuah thin hi Sorkar Dana Death Certificate a tling lo va, Sorkar Dan dik taka pek chhuah-ah chuan, Issued under Section 12/17 of the Registration of Births & Deaths Act 1969 tih a inziak ang.
Post a Comment