Lawngtlai 26.07.2021 : Central Young Lai Association chuan Mizoram leh Assam ramri chungchang a buaina awm mek leh kan inep dan boruakte kan lo hriatin Central YLA chuan Mizoram sorkar leh Vairengte Thalaite hmalakna leh chetna te bakah kan ram humhim nana mahni nunna hial thap a an che chhuak hi kan chhuang em em ani, tih thuchhuah an siam a.
Central YLA chuan kan ram chhan nana Mizoram sorkar leh Vairengte Thalaite hmalakna hi a tawp thlengin a thlawp tlat dawn a ni, an ti a. A tul anih phawt chuan an mahni pawh chetchhuah ve tura an inpeih reng thu an tarlang bawk ani.
Central YLA chuan kan ram neih chhun humhim kawngah ram mipuite tangrual zel turin an sawm a. Central YLA chuan ramri humhim hna huaisen taka thawktu Vairengte Thalaite thingpui lumna atan Rs 10,000 an thawn nghal bawk ani.
Post a Comment