No. CYMA 74/2020-2021/30 of 26.7.2021
CENTRAL YOUNG MIZO ASSOCIATION
MIZORAM : AIZAWL
CENTRAL YMA THUCHHUAK
Central YMA chuan Mizo mipuite duhsakna chibai a buk a che u.
Mizoram leh Assam ramri buaina vanga Central YMA Executive Committee Vawkhniahzawnthla 26, 2021 (Thawhtanni) zana thukhawm chuan, ramria buaina chhuak chungchang ngun takin a ngaihtuah a. Hetiang hian thuchhuah a siam : -
1. Mizoram leh Assam ramri buaina thleng mek chungchanga Mizoram sawrkar leh Vairengte khawtlang hmalaknaah lawmthu kan sawi a. Ralthuam keng Assam Police-te huaisen taka lo hmachhawntu, Vairengte khawtlang leh Mizoram Police-te kan chhuang tak zet zet a ni.
2. Ramri buaina vanga harsatna thleng thei hrang hrangte hmachhawn tur leh mamawh semzai leh renchem zawnga hmala turin Mizo mipuite kan inngen a ni.
3. Ramri buaina vanga thil man tisang lo tur leh chheprelh lo turin kan inngen a ni.
4. Ramri buaina vanga Mizoram chhunga hnamdang awm ten kut palh an tawrh lohna turin, Mizo mipui ten dawhtheihna i lan tir zel ang u.
5. Ramin hun harsa kan tawh mek lai hi tanrual hun tak a nih avangin, Political Party leh Pawl dang ten thangthat lak tum mai lo tur leh indem mai lova, tangrual tlat turin kan inngen e.
Sd/- Prof. LALNUNTLUANGA
General Secretary,
Central YMA.
Post a Comment