Lawngtlai June 7 : Mizoram sorkarin May 25 a rel angin Covid-19 avanga Covid Care Centre-a awm BPL chhungkua ni lo te chuan an ei man an chawi tawh dawn a. Hei hi Lawngtlaiah pawh hman a ni dawn a, Thingkah IR Bn. Qtrs. CCC a Covid-19 avanga awm BPL chhungkua ni lo te chuan an chaw ei man (diet man) an chawi tawh dawn. He ruahmanna hi naktuk atangin hman tan a ni ang.
Mizoram sorkar chuan tun hmaa dam lo ten ni khata chaw leh thildang cheng 300 man an ei theih thin chu ruahmanna thar siamin nikhatah cheng 200 man ai sang lo an dawng thei tawh dawn a, hetah hian chhun thingpui a tel bawk ang.
Mizoram sorkarin Covid-19 avanga dam lo CCC a awm te, BPL chhungkua ni lo te tana chawi ei man chawi chungchanga ruahmanna an siamah hian BPL chhungkua ni lo chhungkua harsa tak tak a awm theih a. Hemi chungchangah hian Pu LP. Malsawma, Chief Medical Officer, Lawngtlai chuan veng hrang hrang VLTF te nen tanghoin BPL chhungkua ni lo, chhungkua harsa an awm a nih chuan hm an lak dawn thu leh hetiang mi an awm a chuan hriatthiamna a awm theih dawn thu a sawi. bawk Chawngte 'C CCC ah chuan an ei man hi CADC in a pek sak avangin he ruahmanna thar hi an hmang dawn em tih a hriat loh.
Lawngtlai District-a CCC a awm te ei man senso hi nikum atang khan pek mumal a awm lova, supplier hmasa hnenah nuai 5 pek tawh niin, tunah hian nuai 10 la batsak a ni. Covid-19 thawh hnihna hnua Supplier thar hnenah pawh chaw supply na man hi la pek loh a ni bawk.
Post a Comment